სახალხო დამცველი პარლამენტის,  ჯანდაცვისა და შინაგან საქმეთა სამინისტროს წინააღმდეგ.

საკონსტიტუციო სასამართლო სარჩელის დასაშვებობის საკითხს განიხილავს. გასაჩივრებულია ის ხუთი საკანონმდებლო აქტი, რომლითაც ქუჩის იძულებითი ნარკოლოგიური გამოკვლევების წესი რეგულირდება.  მოსარჩელე ამბობს, რომ დაუშვებელია დაუსაბუთებელი ეჭვის გარეშე, მხოლოდ იდენტიფიცირებული ქმედების საფუძველზე პირი ქუჩიდან ნარკოშემოწმებისთვის იქნეს გადაყვანილი.

სახალხო დამცველის წარმომადგენელი მიიჩნევს, რომ იძულებით შემოწმებისთვის გადაყვანისას პირი მინიმუმ 12 საათის განმავლობაში არის დაკავებული, რაც ზღუდავს თავისუფლების უფლებას, ეს კი კონსტიტუციის მე-18-ე მუხლთან წინააღმდეგობაშია. სარჩელის წარმოებაში მიღების საკითხს მოსამართლეთა პირველი კოლეგია განიხილავს.