17 დეკემბერს, "კონტაქტში 18" - ზე
გავიდა რეპორტაჟი საღებავების ქარხანა "პროფიკოლ პლიუსის"
შესახებ.
რომელიც 2015 წელს დაიწვა.
დამატებითი მოკვლევის შედეგად კონტაქტმა დაადგინა, რომ მამუკა რუხაძე,
რომელიც ხანძარს ემსხვერპლა,რეესტრის მიხედვით, არ ფიქსირდება
კომპანია "პროფიკოლ პლიუსის" არც დამფუძნებლად და არც დირექტორად
კომპანიის არსებობის სრულ პერიოდზე.
ამას გარდა, საინფორმაციო
სამსახური დაუკავშირდა პიროვნებას, რომელსაც ჩვენი რესპონდენტი
ზემოთაღნიშნულ სიუჟეტში ახსენებდა და ბრალს სდებდა. და რომელთანაც
სიუჟეტის მომზადებისას კონტაქტი ვერ შედგა. შესაბამისად, ჩვენთვის
დამატებითი ინფორმაცია გახდა ხელმისაწვდომი.
კერძოდ, თავად ნიკა იამანიძე,
აღნიშნულ საწარმოში 2011 წლიდან აღარ მუშაობს და მას შემდეგ "პროფიკოლ
პლიუსთან" არანაირი შემხებლობა არ ჰქონდა და არ აქვს.
საქმე მომხდართან დაკავშირებით არ
არის აღძრული არც განზრახ მკვლელობისთვის და არც ქონების
განზრახდაზიანებისთვის. გამოძიება მხოლოდ ხანძრის გამომწვევ მიზეზებს
იკვლევს.
ნიკა იამანიძეს არანაირი
ნათესაური კავშირი არ აქვს ლევან ბოჭორიშვილთან, რომელსაც ჩვენი
რესპონდენტი ხანძრის გაჩენაში ეჭვმიტანილად ასახელებდა. ნიკა
იამანიძეს არანაირი ფინანსური დავალიანება არ ჰქონია და არ აქვს აწ
გარდაცვლილი მამუკა რუხაძის მიმართ.
