10 წლიანი ლოდინის შემდეგ, რუსეთის წინააღმდეგ საქმე მოიგო. სასამართლომ ადამიანის უფლებათა ევროპული კონვენციის რამდენიმე მუხლის დარღვევა დაადგინა.

სტრასბურგის სასამრთლომ საქართველოს მოქალაქეებზე მიღებული გადაწყვეტილებები გუშინ გამოაქვეყნა. საუბარია 2006 წელს რუსეთის მიერ საქართველოს მოქალაქე ეთნიკური ქართველების მასობრივ დაკავება-დეპორტაციაზე. რა დროსაც 9 თვის ფეხმძიმე ლია შიოშვილი 4 შვილთან ერთად მოსკოვში დააპატიმრეს და შემდეგ გამოაძევეს. შიოშვილის სასარგებლოდ რუსეთს 30 ათასი ევროს გადახდა დაეკისრა.