„ცენტრ პოინტის“ დამფუძნებელ მაია რჩეულიშვილს 250 000 ლარის ღირებულების უძრავი ქონება ჩამოერთმევა.

​საქალაქო სასამართლომ პროკურატურის მოთხოვნა გაიზიარა. ბრალდების მხარის განცხადებით, მაია რჩეულიშვილმა აღკვეთის ღონისძიების პირობა დაარღვია. საქმე ეხება 250 000 ლარს, რომელიც ბრალდებულს ერთ-ერთ ეპიზოდზე გირაოს სახით ჰქონდა შეფარდებული. პროკურატურის ინფორმაციით, ბრალდებულმა დანაშაული ჩაიდინა მაშინ, როდესაც ერთ-ერთ ეპიზოდზე გირაოს სანაცვლოდ გათავისუფლდა.