ძლიერმა ქარმა
ოზურგეთში მამაკაცი იმსხვერპლა.
გურამ ნაცვალაძე ქარის შედეგად
დაზიანებული სახურავის შეკეთებას ცდილობდა რა დროსაც გადმოვარდა
და ჯანმრთელობის მძიმე დაზიანებით საავადმყოფოში გარდაიცვალა .
ხერხემლის დაზიანებით საავადმყოფოში მოხვდა კიდევ ერთი
პირი, ოზურგეთში ქუჩაში მიმავალ მანქანას ხე დაეცა.
ავტომობილში მჯდომი მამაკაცი საავადმყოფოშია მოთავსებული,
ამას გარდა სტიქიამ მაღალსართულიან
საცხოვრებელ და კერძო სახლებს სახურავები გადახადა.
ასევე მძიმე მდგომარეობაა
სოფლებშიც, გრიგალის შედეგად
ერთი სახლი სრულად დაინგრა. მოგლეჯილია ხეები,
დაზიანებულია ბუნებრივი აირის მილსადენები და
ელექტროგადამცემი ხაზები. შესაბამისი
სამსახურები საგანგებო სიტუაციების მართვის სამსახურთან
ერთად რეგიონის ყველა პრობლემურ ზონაში არიან განაწილებულები.
მობილიზებულია სახანძრო და სასწრაფო
დახმარების სამსახურები. მუნიციპალიტეტებში
შექმნილია საგანგებო შტაბები. ზარალის დათვლა უკვე
დაწყებულია.
ზარალს ითვლიან
აჭარაშიც ხელვაჩაურში სოფელ ჭარნალში ძლიერმა
ქარმა შაინიძეების სახლი დაანგრია. განადგურებულია
საყოფაცხოვრებო ნივთები და ტექნიკა. დაზარალებულების განცხადებით,
სახლი დანგრევამდე რამდენიმე წუთით ადრე დატოვეს. მათივე თქმით, ქარმა
სოფელში რამდენიმე სახლი დააზიანა. შაინიძეების 4 სულიანი ოჯახი
დახმარებას ითხოვს.
