|
და ოპოზიციური პარტიის წინააღმდეგ სასამართლოში სარჩელის შეტანას გეგმავს. ეს გადაწყვეტილება საპარლამენტო უმრავლესობის წევრმა, მას შემდეგ მიიღო, რაც „ნაციონალური მოძრაობის“ წევრებმა, მისი შვილი კანონდარღვევაში დაადანაშაულეს.
კოტე იოსელიანმა, დღეს გამართულ ბრიფინგზე განაცხადა, რომ ირაკლი სესიაშვილის შვილი, დავით სესიაშვილი, 2015 წელს, მომხდარი ქურდობის მონაწილე იყო, ამის დასტურად კი მისი და ბოროტმოქმედის თითის ანაბეჭდების იდენტურობა მოიყვანეს.
პარტიაში აცხადებენ, რომ ეს რამდენიმე თვის უკან, იმ დროს გაირკვა, როცა დავით სესიაშვილი სახელმწიფო უსაფრთხოების სამსახურში მუშაობის დასაწყებად მივიდა. მიმდინარეობს თუ არა რაიმე სახის გამოძიება დავით სესიაშვილის მონაწილეობით ქურდობის ფაქტზე, ამ შეკითხვაზე შინაგან საქმეთა სამინისტროს პასუხი ჯერ არ აქვთ. სახელმწიფო უსაფრთხოების სამსახურში, კი აცხადებენ, რომ დავით სესიაშვილმა, უწყების საინფორმაციო ანალიტიკურ დეპატრამენტში მუშაობა, ერთი თვის უკან დაიწყო, სამსახურში მიღებამდე მისი კანდიდატურა კანონის სრული დაცვით შეისწავლეს და რაიმე სახის სამართლებრივი ხარვეზი არ გამოვლენილა.
