ეს ჯერჯერობით უცნობია და შედეგი უშუალოდ  კომპანია  GMR-ის  და საკაბელო კომპანიების წარმომადგენლების მოლაპარაკებებზეა დამოკიდებული. გაუგებრობა კი ცოტა ხნის წინ დაიწყო, ორი მედია ჰოლდინგის კომერციული ინტერესების დასაცავად  კომპანია „მედია რაითს ჯორჯია“ შეიქმნა,  რომლისგანაც საქართველოში ოფიციალურად რეგისტრირებულ 110 -ივე  საკაბელო ოპერატორს, წერილობით შეატყობინეს,რომ  კომპანია  მოლაპარაკებების დაწყებას ითხოვდა წინააღმდეგ შემთხვევაში საკაბელო არხებს - 1 ივნისიდან  “რუსთავი 2-ის“, „მაესტროს“, „იმედის“, „ჯიდიესის“, „კომედი არხის“ და  "მარაოს" პროდუქტის საკუთარ სივრცეში განთავსების უფლება შეეზღუდებოდათ. საკაბელო კომპანიების ნაწილი დაინტერესდა ნაწილმა კი, მათ შორის კომპანია "სილქნეტმა" წერილზე რეაგირება არ მოახდინა და პირდაპირ აბონენტებს მიმართა, რომ  შესაძლოა ამ ტელეკომპანიების მოთხოვნის საფუძველზე მათ გადასახადები გაეზარდოთ.  GMR-ში განმარტავენ ფასზე უკვე გაგზავნილ შეტყობინებაში საუბარი არ ყოფილა და პარტნიორებს მოლაპარაკებებს და ურთიერთობის რამდენიმე გზის განხილვას სთავაზობდნენ.

აქვე  იმასაც დასძენენ,  რომ მოსახლეობას არჩევანი აქვს და ქართული მაუწყებლების ეთერის ხილვა უფასოდ სხვა პლატფორმებიდან შეუძლია, მათ შორის თანამგავზრული სისტმემების მეშვეობითაც. საკაბელო ოპერატორებისა და შპს „მედია რაითს ჯორჯიას“ შორის შექმნილ ვითარებას კომუნიკაციების კომისია სწავლობს.